Huma-Happy Birthday Ako

Akala ko'y wala ng pagdiriwang na magaganap matapos ang kaarawan ko. Kung ako lang sana ang masusunod hindi na mahalaga para sa akin ang ipagdiwang ito. Sapat na sa akin ang mabigyan ako ni Lord ng isa pang taon na mamuhay sa mundo at ang maalala ng ilan sa mga kaanak at kaibigan ang batiin ako sa araw na iyon. Pero ninais pa rin ng pamilya ko na magkaroon ng selebrasyon kahit lumipas na ang ilang araw ang birthday ko. Minsan lang daw kasi akong umuwi sa amin at baka 'pag umalis ako ay matatagalan na naman ang pagbalik ko kaya hayun nilipat sa ibang araw ang pagdiriwang. Kaya 'nung araw mismo ng kaarawan ko ay nagdildil muna kami ng asin para lang may pandiwang sa susunod na araw. Charmos Ginamos!

Sumapit ang araw ng Miyerkules at ang lahat ay eksayted. Sa sobrang eksayted ay nakalimutang may pinto pala ang sasakyan at sa bintana na dumaan . LOLZ. Ako naman pinilit ko ang sarili na lokohin na kunwari birthday ko nung araw na iyon para ma-feel ko ang essence. LOLZ. Pumunta kami sa isang resort na mumurahin pero pwedeng pwedeng pasyalan ng mag-anak.

May malinaw na sapa...pwedeng mag-fishing!

Matatanaw rin ang mga nagtatayugang mga puno sa bundok habang nag-iihaw sa may paanan nito.

Kung trip mo naman magpicture picture sa loob ng yungib kasama ng mga encanto ay pwedeng pwede rin.

Maganda ang araw noon kaya nakapag libot libot pa ako...

Isang pamatay pose ni mader dear...

Kung pagod ka na sa paglilibot ay pwede kang magpalamig sa  pool. Pero dahil sa hindi ko dala ang mahiwaga kong brip noon, hndi na lang ako nagswimming sa pool kung saan puno ng ihi, uhog, libag at iba pang nutritious elements na present doon hehe. (Idinahilan pa ang brip eh no?)

Masayang masaya ako sa araw na iyon. Pero may isang pangyayari na  namatay talaga ako sa katatawa.  Nahuli ko ang magkasintahan sa loob ng men's shower room na animo'y may hinahanap na maliit na bagay. Nahiya  ang babae sa akin kaya nagkusa na siyang lumabas. Sabi pa ni lalake, " Babe hindi ko talaga mahanap eh". Sagot ni babae sa may labasan, "Ewan ko sa'yo bakit mo kasi winala eh ang layo-layo pa naman ng convenience store dito. Sorry ka na lang mamaya 'pag hindi mo nahanap 'yun hindi talaga pwede". Sa umpisa ay hindi ko maintindihan ang pinag-uusapan nila at kung ano yung mahalagang bagay na iyon na hinahanap nila. 

Lumabas ako at nagtungo sa pool para magpicture picture muli. Tumawag ng aking pansin ang bagay na hawak hawak ng isang bata. Nilapitan ko siya at tinanong kung saan 'nya nakuha ang hawak hawak niyang lobo. " Sa may banyo po nakita ko ang box na may  lamang mga lobo. May dalawa pa ngang natira eh." Sagot niya. "Bakit yan ang ginagamit mo?", pang-uusisa ko ulit. " Wala kasi akong 20 pesos na pang renta ng  salbabida kuya eh", mainosente niyang sagot sa akin. Haha!Napaka-innovative na bata. Pwede nga namang gawing salbabida ang condom hahaha! In-fairness, noon lang ako nakakita ng condom na kulay blue hehe...

Sumilip uli ako sa shower room, nandoon pa rin ang mag-jowa. Abala pa rin sa paghahanap ng kanilang "mahiwagang bagay". Wala silang kamalay malay na palutang lutang na pala ang hinahanap nila sa pool na siyang  tanging susi  para matuloy ang binabalak na "jugjugan" to the tune of Careless Whisper.. LOLZ!

Lesson learnt: "Pag ang baril pumutok, patay kang bata ka! Pag ang condom nawala buhay kang bata ka!" (That is kung itinuloy talaga nila hehehe)

Musta bakasyon natin diyan mga tropa?