Elbi

Isang maaliwalas na linggo ng umaga nang tunguhin namin ang isang malawak na campus sa Los Banos  para mag-jogging. Isinama ko si Darlah at ang isa pang malapit na kaibigan. Naisipan ko lang magpunta sa lugar na iyon kasi gusto ko lang makahinga at makapag-isip ng maayos. Tahimik at maganda ang tanawin  na bagay na bagay para sa mga taong nagugulumihanan tulad ko. May isang malaking bagay lang na kailangan kong pagdesisyunan. At nakakatulong nga ang magandang paligid at ang presensiya ng isang kaibigan para sa pagpili ng isang desisiyon.

May halos apat na taon na din ang nakalipas bago muling makabalik dito.Muling nagbalik ang mga alaala. Isa na rito ang alaala ng isang babaeng minsang nagpatibok ng aking puso. Ngunit sa kasamaang palad ay hindi rin kami nagtagal. Sa tuwing nakikita ko ang mga naglalakihang mga puno doon, natatawa na lang ako sa sarili. Bantog kasi na tawag sa mga punong iyon ay fertility trees. Kung bakit fertility tree? Doon kasi madalas nagaganap ang pagsasanib ng dalawang nilalang upang makabuo ng isa. In short, walang budget pang motel. LOL. Doon din kami madalas tumatambay ni ex dati upang makapag-usap LANG. Pramis nag-uusap lang talaga kami. Swear! Cross my heart! At saka isa pa may pang-budget ako noh! Joke lang! Hehehe....

Marami ding tao ang nagja-jogging noon. Sadyang nakakaengganyo ang ganoong atmosphere. Pero bago kami nagsimulang mag-jogging ay nag-picture picture muna kami. Pasintabi na lang po sa mga kumakain diyan na nagbabasa ng blog na ito kasi halos lahat ng larawang inilathala dito ay may mukha ko. LOL. Nakakaumay na ba? LOL.

Ahihihi Darlah stop it nakikiliti ako.LOL

Hayun, patakbo takbo kami ni Darlah at ni kaibigan habang nag-uusap ng masinsinan. Masarap pala sa pakiramdam ang ganun. Nakakapag-isip ka ng maayos kasi maganda ang enerhiya na inilalabas ng katawan. Matapos ang ganoong pag-uusap ay naging buo na ang aking desisyion. Ito na talaga! Final na!

Pero energetic pa rin si Darlah at gusto pang makipagharutan kaya naghabulan kami. Perstaym niya lang kasi sa naturang lugar kaya ganun na lamang kataas ang energy level niya. Grabe pinagod niya ako.

Matapos makapagpahinga ng halos isang oras ay napagkasunduang umuwi na. Mataas na din kasi ang araw at medyo masakit na sa balat ang sinag nito.

Pero bago kami tuluyang lumabas ng campus ay pinababa muna ang ASO upang maka-ihi. See picture below. LOL.

Tabi-tabi po!

 Ay sorry ako pala 'to. LOL. (Ang corny ko talaga hahaha). Pero pasensiya na talaga para sa mga magkasintahan na nagbabalak na gawing motel ang punong ito, medyo mamamanghi lang ang love nest 'nyo. LOL. Puputok na pantog ko eh.

Pasensiya na din mga tropa kung medyo maligalig ang entry ko ngayon. Sa totoo lang tinatamad talaga akong mag-blog. May inaasikaso lang din ako sa kasalukuyan. I'll make up to you next time. With matching lipstick, foundation ang maskara. LOL.

Teecee! Slurps!

Extra: 

My cousin's first baby died last Thursday. Premature baby kasi 6 mos. lang ng  ito'y ipinanganak. Nakakakungkot kasi one week lang nakapiling ng pinsan ko ang angel nila. At hindi ko man lang  din nakita ang pamangkin ko. : (